ලෝක ජනාවාස දින ජාතික සැමරුම් උත්සවය අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් බත්තරමුල්ල සෙත්සිරිපාය (අදියර 2) 11 වැනි මහලේ පිහිටි ශ්‍රවණාගාරයේදී පැවැත්විණි.

ලෝක ජනාවාස දිනය නිමිත්තෙන් නාගරික සංවර්ධන හා නිවාස අමාත්‍යාංශය මගින් පාසල් සිසුන්ගේ කලා කුසලතා නංවාලීම සඳහා සංවිධානය කළ චිත්‍ර, රචනා හා නැටුම් තරගවලින් ජයග්‍රහණය කළ සිසු සිසුවියන්ට සහතිකපත්, සම්මාන සහ මුදල් ත්‍යාග පිරිනැමීම ද අග්‍රාමාත්‍යවරයා අතින් සිදු විය.

ලෝක ජනාවාස දිනය ලොව පුරා ක්‍රියාත්මක කරන එක්සත් ජාතීන්ගේ මානව ජනාවාස වැඩසටහනේ (UN-Habitat) ශ්‍රී ලංකා නියෝජිතයා වන්නේ නාගරික සංවර්ධන හා නිවාස අමාත්‍යාංශයයි.

නාගරික සංවර්ධන හා නිවාස අමාත්‍ය ප්‍රසන්න රණතුංග මහතාගේ මඟපෙන්වීම අනුව නාගරික සංවර්ධන හා නිවාස අමාත්‍යාංශය විසින් බේරුම්කරණ සතියක් ප්‍රකාශයට පත් කර ඇත. නාගරික සංවර්ධන හා නිවාස අමාත්‍යාංශය යටතේ ඇති ආයතන මගින් මෙම සතිය පුරාවට විවිධ වැඩසටහන් සංවිධානය කර ඇත.